shumilina.by

Информационный портал

Социальные сети:

Новости Шумилино → Общество

30.01.2018 16:12

1474 просмотра

0 комментариев

Таросы на рацэ. Як выглядае «дарога жыцця» на Заходняй Дзвіне з Шумілінскага раёна ў Бешанковіцкі (фота)

У Бешанковічах людзі ходзяць праз Дзвіну ў экстрэмальных умовах. «Дарога жыцця» з Шумілінскага раёна ў Бешанковіцкі і назад пачала функцыянаваць. Яе адкрылі яшчэ ў панядзелак 22-га студзеня. Адзін з першаадкрывальнікаў, жыхар вёскі Полькавічы, мужчына вагой пад 120 кілаграмаў, праваліўся пры пераходзе, павіс у палонцы на руках, скрывяніўшы аб лёд падбародак.

Добра, што ён ішоў не адзін. Ягоны напарнік працягнуў палку і выцягнуў небараку з палонкі.


Я паспрабаваў перайсці на другі бераг ракі. Вузкая сцяжынка пятляе паміж таросамі ўлева-управа, зрэдку абазначаная галінкамі, каб арыентавацца ў цемры.


І ўсё ж у змроку ісці праз раку псіхалагічна цяжка, бо на белай сцежцы сляды амаль што нябачныя. Крок улева ці ўправа — і ты рызыкуеш жыццём, бо паміж замёрзлымі ільдзінамі бачна, як выступае вада.


Каля шумілінскага берага бачна, як чародка качак плавае па даволі вялікай палонцы блізу пантонаў.








Г.Станкевіч, 28.01.2018, 11 гадзін раніцы.

http://beshankovichy.by

Последние новости