shumilina.by

Информационный портал

Социальные сети:

Новости Шумилино Общество

09.07.2018 19:40

1417 просмотров

0 комментариев

У Шуміліне здалі ў эксплуатацыю новы 32-кватэрны жылы дом. Амаль усе навасельцы — шматдзетныя сем’і (відэа)

У наваселля — дзяцячы твар. У агульнай складанасці ў новабудоўлю заселяцца амаль 100 дзяцей.

Новы 32-кватэрны дом на месяц раней запланаваных тэрмінаў увялі ў эксплуатацыю ў гарадскім пасёлку Шуміліна. Яго навасёламі сталі 28 шматдзетных сем’яў, у якіх выхоўваюцца 95 дзяцей.
На ўрачыстай цырымоніі адкрыцця з удзелам старшыні абласнога Савета дэпутатаў Уладзіміра Цярэнцьева афіцыйныя асобы пажадалі жыльцам, каб гэты дом стаў родным, утульным месцам, куды заўсёды хацелася б прыйці.


Там, дзе будуецца жыллё — жыццё ніколі не заціхае. Гэту прапісную ісціну на Шуміліншчыне добра ведаюць, імкнуцца зрабіць жыццё месцічаў больш камфортным. Узвядзене 32-кватэрнага дома пачалося 7 месяцаў таму. Будоўлю даверылі мясцовым спецыялістам ПМК № 70. Яны творча падыйшлі да справы — дом зрабілі прывабнай канфігурацыі, каб абыйсці высакавольтную лінію. Дзіцячая пляцоўка, дзве стаянкі для машын, пляцоўка для кантэйнераў са смеццем. Упершыню ў райцэнтры паклалі плітку с тактыльным пакрыцём для зручнасці людей з інваліднасцю. Прыемныя сюрпрызы чакаюць навасёлаў і ў самім доме.

Аляксей Крыўко, дырэктар КУПБ «Шумілінская ПМК № 70»:
«Дом лічыцца энергаэфектыўным, што дазваляе значна эканоміць на цеплазабеспячэнні жылля. І ў прынцыпе прыменены тэхналогіі, якія дазваляюць эканоміць электраэнергію.»

Таццяна Шапіла, навасёл:

«Нашы дзеткі будуць жыць ў новай, дабраўпарадкаванай кватэры, побач з нашым домам ёсць школа, дзіцячы садок — усё, чаго мы жадалі, мы атрымалі.

Праўда, навасёлы яшчэ не атрымалі ключы ад новых кватэр, аднак ужо пабачылі свае «апартаменты», дзе яны будуць жыць і гадаваць дзяцей. Дарэчы, частка кватэр здадзена з поўным аздабленнем, але большасць жыхароў вырашыла даводзіць жыллё да ладу самастойна.

Уладзімір Цярэнцьеў, старшыня Віцебскага абласнога Савета дэпутатаў:

"Выдатны 32-кватэрны дом, у якім паселяцца 28 сямей. Што такое сёння 95 дзетак? Безумоўна, гэта будучыня раёна, дзіцячыя садкі і школы будуць загружаны, і дай божа, каб гэтыя дзеткі і жыць засталіся тут, каб развіваць і эканоміку раёна і яго сельскую гаспадарку.

На здымку: Аляксей Крыўко, Таццяна Шаціла, Уладзімір Цярэнцьеў і Аляксандр Снараў


Новы дом — толькі адзін з аб’ектаў растучага мікрараёна ў гарадскім пасёлку Шуміліна, побач знаходзіцца ўся неабходная інфраструктура — бальніца, гандлёвыя цэнтры і адміністрацыйныя будынкі, і, як высветлілася, гэта наваселле стане не апошнім у бягучым годзе.

Аляксандр Снараў, старшыня Шумілінскага райвыканкама:

“Увядзенне ў эксплуатацыю 32-кватэрнага дома, пабудаванага шляхам долевага будаўніцтва, вырашыць жыллёвую праблему 29 сямей, у якіх выхоўваецца 95 дзетак. Тры кватэры камерцыйнага жылля зарэзерваваны для маладых спецыялістаў.
Ужо новы дом заклалі на 32 кватэры, заложаны фундамент, а гэты яшчэ не паспелі здаць. Фінансаванне праведзена, людзі на кватэры падабраны, і дзесьці ў снежні дом будзе ўзведзены."

А яшчэ адным аб’ектам ў райцэнтры стала сауна. Цяпер спорткомплекс можа прапанаваць увесь спектр паслуг для заняткаў спортам і ўзнаўлення пасля фізічных нагрузак.

http://vtv.by/2018/07/09/u-novoselya-detskoe-lico/

http://www.shumilino.by

Последние новости