shumilina.by

Информационный портал

Социальные сети:

Новости Шумилино Политика

15.01.2017 19:33

838 просмотров

0 комментариев

МЗС падцвярджае: ЕС дасць грошы на будаўніцтва цэнтраў размяшчэння мігрантаў

Цягам бліжэйшых некалькіх гадоў у Беларусі за грошы Еўрасаюза будуць пабудаваныя некалькі «цэнтраў размяшчэння мігрантаў». З разлікам на 30-50 чалавек кожны. На гэтыя мэты Еўракамісія выдаткоўвае афіцыйнаму Мінску 7 мільёнаў еўра

Ужо існуе праект, у якім лагеры называюцца «цэнтрамі размяшчэння мігрантаў». Яны будуць як адкрытага, так і закрытага тыпу. У апошнім выпадку мігранты будуць утрымлівацца пад аховай да часу дэпартацыі ці добраахвотнага выезду з Беларусі. Плануецца, што ў кожным такім лагеры будзе 30-50 месцаў. Падкрэсліваецца, што гэтыя аб’екты будуць «адпавядаць лепшым міжнародным і стандартам ЕС».

Мяркуецца, што ў такіх лагерах размесцяць бежанцаў з Украіны, з Сірыі, а таксама «асобаў, якія з’язджаюць ад эканамічнага крызісу ў Расіі і шукаюць працу ў краінах ЕС». Пра чачэнцаў тут гаворка не ідзе, паколькі яны — грамадзяне саюзнай дзяржавы Беларусі і Расіі.

«Размова ідзе аб сумесным праекце беларускага боку з Прадстаўніцтвам міжнароднай арганізацыі па міграцыі ў Рэспубліцы Беларусь, які рэалізуецца ў межах праекту «Партнёрства дзеля мабільнасці», ― гаворыць у каментары Еўрарадыё кіраўнік прэс-службы Міністэрства замежных спраў Беларусі Дзмітрый Мірончык.

Па яго словах, праца па будаўніцтве цэнтраў размяшчэння мігрантаў вядзецца ў межах падрыхтоўкі да падпісання нашай краінах Пагаднення аб рэадмісіі з Еўрасаюзам.

У МЗС адзначаюць, што цэнтры размяшчэння мігрантаў нельга называць лагерамі.

euroradio.fm

Последние новости