shumilina.by

Информационный портал

Социальные сети:

Новости Шумилино Происшествия

16.01.2021 18:06

426 просмотров

0 комментариев

«Цярпі, нагу табе адсяку — будзем пенсію атрымліваць». Жудасныя падрабязнасці смерці на Магілёўшчыне

5 студзеня ў вёсцы Негаўля (Кіраўскі раён Магілёўскай вобласці) знайшлі цела 58-гадовага мясцовага жыхара Леаніда Гудкова. Яго брат Сяргей паведаміў следчым, што той нібыта сам нанёс сабе траўмы, калі рубіў дровы. Але сведка распавёў, што ўсё было зусім не так.

Двое братоў — Леанід і Сяргей Гудковы — жылі ў Негаўлі ў адным доме. Жонак не мелі, іншыя сваякі раз’ехаліся: хто ў Кіраўск, хто ў Бабруйск, а хто ў Маскву. Старэйшы Леанід, працаваў скотнікам, але некалькі месяцаў таму яго звольнілі — па словах мясцовых, ён проста перастаў прыходзіць на працу.

Малодшы, 56-гадовы Сяргей, былы афганец, таксама нідзе не працаваў. Жылі браты падпрацоўкамі: пасвілі жывёлу, рубілі дровы суседзям, дапамагалі капаць бульбу.

«Выпівалі, канечне. Часам сварыліся, але нейкіх сур’ёзных канфліктаў, здаецца, паміж імі ніколі не было», — расказваюць у вёсцы.

Перад Новым годам у Негаўлю прыехала пляменніца Гудковых са сваім мужам Дзянісам. Жанчына жыла ў Расіі, але набыла дом у роднай вёсцы, яго выкарыстоўвалі як лецішча.

У гэты раз пара прыехала ў вёску сустракаць Новы год. У першыя дні студзеня яны вярнуліся ў Расію. А літаральна праз пару дзён Сяргей Гудкоў знайшоў у сваім доме труп брата — які, кажуць, ляжаў проста ў ложку.

«Сяргей хадзіў па вёсцы, казаў: у мяне ў хаце труп, трэба выклікаць хуткую і міліцыю», — узгадваюць мясцовыя жыхары.

Міліцыя прыехала. На трупе Леаніда Гудкова знайшлі цялесныя пашкоджанні.

У вёсцы расказваюць, што нібыта спачатку Сяргей Гудкоў хацеў абвінаваціць у забойстве мужа сваёй пляменніцы, які на той момант быў ужо ў Маскве.

Але ж з Дзянісам звязаўся адзін з суседзяў Гудковых. Той расказаў, што здарылася, і нават перадаў міліцыі відэа са свайго мабільнага.

«Наша Ніва» таксама пагаварыла з Дзянісам.

«Гудковы вялі антысацыяльны лад жыцця, пілі, нідзе не працавалі. Грошай не мелі, жыць не было за што. І адзін з братоў вырашыў адсекчы другому нагу. Каб адзін атрымліваў пенсію па інваліднасці, а другі — грошы за апякунства і дагляд інваліда, — кажа Дзяніс. — 

Усё здарылася 30 снежня. Я прыйшоў да Гудковых, прывёз ім прадукты з Масквы.

Сам я не п’ю, зусім. Мы пасядзелі, яны выпілі і пачалі высвятляць адносіны паміж сабою.

Сяргей узяў сякеру і вырашыў адсекчы брату нагу. Леанід супраціўляўся, крычаў: не трэба, не бі! Сяргей казаў: цярпі, адсяку — будзем пенсію атрымліваць!

Я спачатку выйшаў на вуліцу, але пасля вярнуўся. Сяргей ужо пачаў біць сякерай брата — я яго спыніў. Прапанаваў выклікаць хуткую, але адказ быў: мы самі разбярэмся.

Гэты Сяргей мае пяць, здаецца, судзімасцяў, палову жыцця правёў за кратамі. Ён мне прыгразіў: выклічаш каго — я табе хату спалю ўначы, а ўсё гэта на цябе звалю.

Ну я спужаўся трохі, сышоў, нікуды і нікому не званіў.

31 снежня мы былі ў суседзяў, сустракалі Новы год. Пасля я заходзіў да Гудковых, здаецца, у суботу, 2 студзеня. Леанід быў жывы, казаў, што нага баліць і што нібыта збіраецца ў панядзелак у бальніцу.

У панядзелак, 4 студзеня, я з’ехаў у Маскву. А на наступны дзень стала вядома, што Леанід памёр».

Дзяніс кажа, што частку канфлікта паміж братамі паспеў зняць на відэа, запіс ужо перадаў беларускай міілцыі.

«Зняў літаральна 5 секунд — ужо аддаў следчым. Я даў усе тлумачэнні, застаюся на сувязі з міліцыяй. Калі будзе патрэбна, то мяне дапытаюць тут, у Маскве, ці я гатовы прыехаць у Беларусь», — кажа Дзяніс.

Пасля смерці Леаніда завялі крымінальную справу. Сяргей падазраваны, знаходзіцца пад вартай. Яго ўжо прывозілі ў Негаўлю на следчы эксперымент.

Леаніда Гудкова пахавалі 8 студзеня.

Улад Швядовіч
https://nn.by/?c=ar&i=266776

Последние новости